Saturday, February 22, 2020

கல்முனை ஸாஹிரா தேசியக் கல்லூரிபழைய மாணவர்களான 1998 இல் க.பொ.த. சாதாரண தரத்திலும் 2001 ஆம் ஆண்டு க.பொ.த.உயர்தரப் பிரிவிலும் கல்வி பயின்ற CLASSICAL 01 TEAM குழுவினர் ஒரு இலட்சம் ரூபாய்க்கான காசோலை அன்பளிப்பு



( அஸ்ஹர் இப்றாஹிம்)

கல்முனை ஸாஹிரா தேசியக் கல்லூரியின் பிரமாண்டமான  இல்ல விளையாட்டுப் போட்டிக்கு பழைய மாணவர்கள் பெரும் பங்களிப்பை வழங்கியிருந்தனர்.
அந்த வகையில் கல்லூரியின் பழைய மாணவர்களான 1998 இல் க.பொ.த. சாதாரண தரத்திலும் 2001 ஆம் ஆண்டு  க.பொ.த.உயர்தரப் பிரிவிலும் கல்வி பயின்ற CLASSICAL  01 TEAM  குழுவினர் கல்லூரி அதிபர் எம்.ஐ.ஜாபிர் அவர்களிடம் ஒரு இலட்சம்  ரூபாய்க்கான காசோலையினை அண்மையில் வழங்கி வைத்தனர்


Friday, February 21, 2020

கல்முனை ஸாஹிரா தேசியக் கல்லூரியின் இல்ல விளையாட்டுப் போட்டியில் 2020 ஆம் ஆண்டிற்கான சம்பியன் கிண்ணத்தை அரபா இல்லம் ( நீலம்)303 புள்ளிகளைப் பெற்று சுவீகரித்துக் கொண்டது.


( அஸ்ஹர் இப்றாஹிம்)

கல்முனை  ஸாஹிரா தேசியக் கல்லூரியின் இல்ல விளையாட்டுப் போட்டியில் 2020 ஆம் ஆண்டிற்கான சம்பியன் கிண்ணத்தை   அரபா இல்லம் ( நீலம்)303 புள்ளிகளைப் பெற்று  சுவீகரித்துக் கொண்டது.
.
கல்லூரி அதிபர் எம்.ஐ.எம்.ஜாபிர் தலைமையில் வெள்ளிக்கிழமை ( 21 )  மாலை இடம்பெற்ற மேற்படி நிகழ்வில் கிழக்கு மாகாண கல்வியமைச்சின் சிரேஸ்ட உதவிச் செயலாளர் அல்ஹாஜ் எம்.ரீ.ஏ.நிஸாம் பிரதம அதிதியாகவும் சாய்ந்தமருது கோட்ட கல்விப் பணிப்பாளர் ஐ.எல்.ஏ.றஹ்மான் கெளரவ அதிதியாகவும்   பாடசாலை பிரதி , உதவி அதிபர்கள் ,பாடசாலை விளையாட்டுக்குழு உறுப்பினர்கள் ,பழைமாணவர் சங்க செயலாளர் அம்பாறை மாவட்ட விளையாட்டு உத்தியோஸ்தர் ஏ.எம்.எம்.றிபாஸ் , பாடசாலை அபிவிருத்தி சபை செயலாளர் எம்.ஐ.எம்.முஸ்தாக் , ,மோட்டார் போக்குவரத்து பிரதம பொறியியலாளர் ஏ.எல்.எம்.பாறூக் ,கல்முனை பிராந்திய இலங்கை மின்சார சபை பிரதம பொறியியலாளர் எம்.ஆர்.எம்.பர்ஹான் ,கண் சத்திர சிகிச்சை நிபுணர் டொக்டர் எம்.அல் அமீன் றிஸாத் ,கல்முனை ,சாய்ந்தமருது  மற்றும் மாளிகைக்காடு பிரதேச பாடசாலை அதிபர்கள் ஆகியோர்    அதிதிகளாகவும் கலந்து கொண்டனர்.
இல்ல விளையாட்டுப் போட்டியில் அரபா இல்லம் 303 புள்ளிகளைப் பெற்று சம்பியன்களாகவும் ,   சபா இல்லம் 278  புள்ளிகளைப்பெற்று இரண்டாம் இடத்தையும் ,  மர்வா இல்லம் 231 புள்ளிகளைப் பெற்று மூன்றாம் இடத்தையும் ,  ஹிரா இல்லம் 182 புள்ளிகளைப்பெற்று நான்காம் இடத்தையும் பெற்றுக கொண்டன.


Tuesday, February 11, 2020

மிகவும் பிரமாண்டமான முறையில் ஒழுங்கு செய்யப்பட்டிருந்த கல்முனை ஸாஹிரா தேசியக்கல்லூரியின் 2020 ஆம் ஆண்டுக்கான இல்ல விளையாட்டுப் போட்டியின் அங்குரார்ப்பண நிகழ்வு



( அஸ்ஹர் இப்றாஹிம்)

கல்முனை ஸாஹிரா தேசியக் கல்லூரியின் 2020 ஆம் ஆண்டிற்கான இல்ல விளையாட்டுப் போட்டியினை உத்தியோகபுர்வமாக அங்குரார்ப்பணம் செய்து வைக்கும் நிகழ்வு இன்று ( செவ்வாய்க்கிழமை)  கல்லூரி மைதானத்தில் மிகவும் பிரமாண்டமான முறையில் ஒழுங்கு செய்யப்பட்டிருந்தது.
கல்லூரி அதிபர் எம்.ஐ.எம்.ஜாபிர் தலைமையில் இடம்பெற்ற மேற்படி நிகழ்வில் கல்முனை வலய கல்விப் பணிப்பாளர் எம்.எஸ்.அப்துல் ஜலீல் பிரதம அதிதியாக கலந்து கொண்டார். சாய்ந்தமருது கோட்ட கல்விப் பணிப்பாளர் ஐ.எல்.ஏ.றஹ்மான் கௌரவ அதிதியாகவும்  பழைமாணவர் சங்க செயலாளர் அம்பாறை மாவட்ட விளையாட்டு உத்தியோஸ்தர் ஏ.எம்.எம்.றிபாஸ் , பாடசாலை அபிவிருத்தி சபை செயலாளர் எம்.ஐ.எம்.முஸ்த்தாக் ஆகியோர்  விசேட  அதிதிகளாகவும் கலந்து கொண்டனர்.
இல்லங்களின் கொடிகளை  மர்வா இல்ல பொறுப்பாசிரியர் எஸ்.எல்.றஸாக் , சபா இல்ல பொறுப்பாசிரயர் அப்துல் வகாப் , அரபா இல்ல கொடியினை பொறுப்பாசிரியர் . ஏ.எம்.ஹக்குிம் , ஹிரா இல்ல கொடியினை பொறுப்பாசிரியர் மெ்.ஐ.முராத் ஆகியோர் ஏற்றி வைத்தனர்.
கல்முனை வலய உடற்கல்வித்துறை உதவி கல்விப் பணிப்பாளர் யு.எல்.எம்.சாஜித்  உத்தியோகபுர்வமாக இல்ல விளையாட்டுப் போட்டியினை ஆரம்பித்து வைத்தார்.
விளையாட்டு வீரரின் சத்தியப்பிரமாணத்தை கிழக்கு மாகாண ரீதியில் இடம்பெற்ற 110 மீற்றர் , 300 மீற்றர் தடைதாண்டல் போட்டியில் சாதனை ஏற்படுத்திய மாணவன் எம்.ஆர்.எம்.லயிஸ் வாசித்தார்.
கல்முனை வலய உடற்கல்வித்துறை ஆசிரிய ஆலோசகர் ஐ.எல்.எம்.இப்றாஹிம் நடுவர்களுக்கான சத்தியப்பிரமாணத்தை வாசித்தார்  .
கல்லூரியின் பாண்ட் வாத்தியக்குழு , கடற்படை , சென்ஜோன்ஸ் அம்பியுலன்ஸ் படை , கராட்டிக்குழு , மாணவத்தலைவர்கள் குழு , இல்ல ரீதியிலான அணிநடை குழுக்கள் , இல்ல ஆசிரிய ஆசிரியைகள் ஆகியோரின் அணிவகுப்பைத்  தொடர்ந்து ஒலிம்பிக் தீபம் ஏற்றி வைக்கப்பட்டது.
நிகழ்வின் இறுதியில் வான வேடிக்கை நிகழ்வுகளும் இடம்பெற்றன.