Tuesday, September 29, 2015

சர்வதேச ஆசிரியர் தினத்தையொட்டி கல்முனை வலயத்தில் 3 அதிபர்கள் மற்றும் 9 ஆசிரியர்களுக்கு பிரதீபா பிரபா விருது



கல்முனை கல்வி வலயத்தில் இவ்வருடம் பிரதீபா பிரபா விருது பெறுவதற்கு 03 அதிபர்களும் 09  ஆசிரியர்களும் தெரிவு செய்யப் பட்டுள்ளனர் .
கல்முனை உவெஸ்லி கல்லூரி அதிபர் வே.பிரபாகரன் ,  பாண்டிருப்பு   வித்தியாலய அதிபர் ஜே.டேவிட் ,  மாளிகைக்காடு  அல்-ஹுசைன் வித்தியாலய அதிபர் .எல்.எம்.ஏ.நழீர்  ஆகியோரே  தெரிவு  செய்யப் பட்ட  அதிபர்களாவர் .
இவர்களுக்கான  விருது  வழங்கும்  வைபவம்  சர்வதேச  ஆசிரியர்   தினமான ஒக்டோபர்  06 கொழும்பு பண்டார நாயக்க   சர்வதேச ஞாபகார்த்த  மாநாட்டு மண்டபத்தில் நடை பெறும் வைபவத்தில் வழங்கப் படவுள்ளது .
இவ்வைபவத்தில் அதிமேதகு ஜனாதிபதி மைத்திரிபால சிறிசேன , கல்வி அமைச்சர்  கௌரவ அகிலவிராஜ் காரியவசம் ஆகியோர் கலந்து சிறப்பிக்கவுள்ளனர் .

Wednesday, September 16, 2015

கல்முனை வலய பாடசாலைகளில் ஸ்ரீலங்கா முஸ்லிம் காங்கிரஸ் ஸ்தாபக தலைவர் மர்ஹும் எம்.எச்.எம்.அஸ்றப் அவர்களின் 15வது நினைவு தின நிகழ்வுகள்

ஸ்ரீலங்கா முஸ்லிம் காங்கிரஸ் ஸ்தாபக தலைவர் மர்ஹும் எம்.எச்.எம்.அஸ்றப் அவர்களின் 15வது நினைவு தின நிகழ்வுகள் கல்முனை பிரதேச பாடசாலைகளில் மிகவும் சிறப்பாக இடம்பெற்றன.
கல்முனைத் தொகுதிக்கான பிரதான நிகழ்வு கல்முனை ஸாஹிரா தேசியக்கல்லூரியில் அதிபர் பீ.எம்.எம். பதுறுதீன் தலைமையில் இடம்பெற்றபோது கல்லூரியின் பழைய மாணவரும் , திகாமடுல்ல மாவட்ட பாராளுமன்ற உறுப்பினரும் , விளையாட்டுத்துறை பிரதி அமைச்சருமான சட்டத்தரணி எச்.எம்.எம்.ஹரீஸ்  கலந்து கொண்டு மர்ஹும் எம்.எச்.எம்.அஸ்றப் பற்றிய ஞாபகார்த்த உரையினை நிகழ்த்தினார்.
மாளிகைக்காடு அல் ஹுசைன் வித்தியாலயத்தில் பாடசாலை அதிபர் அல்ஹாஜ் ஏ.எல்.எம்.ஏ.நழீர் தலைமையில்  இடம்பெற்ற  ” தலைவர் தின நிகழ்வில் கல்முனை மாநகரசபை உறுப்பினர் எம்.ஐ.எம்.பிர்தௌஸ் கலந்து கொண்டு .மறைந்த மாமனிதர் எம்.எச்.எம்.அஸ்றப் பற்றிய ஞாபகார்த்த உரையினையும் பாடசாலையின் சிரேஸ்ட ஆசிரியை ஜனாபா எஸ்.ஜே.எம்.தௌபீக் நன்றியுரையினையும்  நிகழ்த்தினார்கள்.
நிகழ்வின் இறுதியில் அன்னாருக்காக விசேட துவாப்பிரார்த்தனையும் இடம்பெற்றன.












Tuesday, September 8, 2015

கல்முனை டொப் ரேங் விளையாட்டுக் கழகத்தின் 31 வருட புர்த்தியை முன்னிட்டு சாய்ந்தமருது பெமிலி சொய்ஸ் நிறுவனம் கிறிக்கட் சீருடை அன்பளிப்பு

கிழக்கு மாகாணத்தில் புகழ் புத்த ஆடை நிறுவனமான சாய்ந்தமருது பெமிலி சொய்ஸ் கல்முனை டொப் ரேங் விளையாட்டுக் கழகத்தின் 31 ஆவது ஆண்டு நிறைவை முன்னிட்டு கடினபந்து கிறிக்கட் சீருடைகளை அன்பளிப்பு செய்திருந்தது.
கல்முனை டொப் ரேங் விளையாட்டுக் கழகத்தின் அணித்தலைவர் ஏ.பி.எம்.பைஸல் தலைமையில் நடைபெற்ற சீருடை அறிமுக நிகழ்வில் சாய்ந்தமருது பெமிலி சொய்ஸ் நிறுவனத்தின் முகாமையாளர் எம்.ஐ.ஏ.மஜீட் பிரதம அதிதியாக கலந்து கொண்டு விளையாட்டு வீரர்களுக்கு கிறிக்கட் சீருடைகளை வழங்கி வைத்தார்.