Wednesday, July 29, 2015

மானுடத்துககு சலாம் சொன்ன மாமனிதன்

கலாம்
உன் பேச்சில் நாங்கள் லயிக்கலாம்
உன் கருத்தில் நாங்கள் திளைக்கலாம்
உன் நேர்மை உழைப்பை வியக்கலாம்
உன் சாதனை கண்டு வியர்க்கலாம்
உன் மனது போல எமக்கு எங்கே
வாய்க்கலாம்

மானுடத்துககு சலாம் சொன்ன
மாமனிதன் நீ கலாம்

இந்த மனிதர் வாழும் காலம் வரையும்
உனது புகழை யார் தான் மறைக்கலாம்
உனது பெயரை எவர் தான் மறக்கலாம்

நீ உயர்ந்த அரிய பண்புகள்
ஒன்று சேர்ந்த ஒரு குழாம்
மானுடத்துக்கு சலாம் சொன்ன
மாமனிதன் நீ கலாம்

மதம் கடந்து இனம் கடந்து
மொழி கடந்து நடை நடந்து
நீ பிறந்து வளர்ந்த வீட்டின் முன்னே
விரிந்து கிடந்த பெருங்கடலாய்
அதில் விளைந்து திரளும் பேரலையாய்

கனவாய் கனிவாய் கலாமே

-  எச்.ஏ. அஸீஸ்

28 யூலை 2015

No comments:

Post a Comment