Wednesday, September 26, 2012

கல்முனை ஸாஹிரா தேசியக்கல்லூரிக்கு 5 மில்லியன் ரூபா செலவில் புதிய நவீன கணணி கூடம்


கல்முனை ஸாஹிரா தேசியக்கல்லூரிக்கு 5 மில்லியன் ரூபா செலவில் புதிய நவீன கணணி கூடம்


சுனாமி அனர்த்தத்தினால் பாதிக்கப்பட்டு இதுவரை எந்தவொரு சர்வதேச தன்னார்வு நிறுவனங்களாலும் புனருத்தானம் செய்யப்படாதிருந்த கல்முனை ஸாஹிரா தேசியக்கல்லூரிக்கு சுமார் 5 மில்லியன் ரூபா செலவில் சகல வசதிகளும் கொண்ட நவீன கணிணி கூடமொன்றினை உடனடியாக அமைக்குமாறு அம்பாறை மாவட்ட அரச அதிபர் நீல் த அல்விஸ் அதிகாரிகளை பணித்துள்ளார்.
சாய்ந்தமருது பிரதேச செயலாளர் ஏ.எல்.எம்.சலீம் மற்றும் கல்லூரி அதிபர் ஏ.ஆதம்பாவா ஆகியோர் இன்று இடம்பெற்ற தேசத்திற்கு மகுடம் நடமாடும் சேவையின் போது கூட்டாக விடுத்த வேண்டு கோளின் பேரிலேயே இந்த கணிணிகூடம் கிடைத்துள்ளது.இந்நிகழ்வில் கல்லூரியின் பழைய மாணவர்களான கல்முனை மாநகர மேயர் கலாநிதி ஸிராஸ் மீராசாஹிப் , அம்பாறை பிராந்திய வீதி அபிவிருத்தி திணைக்கள பிரதம பொறியியலாளர் ஏ.எம்.றிஸ்வி , கல்லூரி சிரேஸ்ட ஆசிரியர்களான எம்.ஐ.எம்.அஸ்ஹர் , என்.எம்.அன்வர் , சாய்ந்தமருது பிரதேச செயலக உதவி திட்டமிடல் அதிகாரி ஏ.பி.எம்.அஸ்ஹர் உள்ளிட்ட பலர் கலந்து கொண்டனர்.
அத்துடன் கட்டி புர்தியாக்கப்படாத நிலையிலுள்ள மூன்று மாடிக்கட்டிடத்தின் மூன்றாவது மாடி நிர்மாணபணிகள் மற்றும் தேசத்திற்கு மகுடம் கண்காட்சியினை முன்னிட்டு கல்லுாரி வளாகத்தினுள் சுமார் 45 மில்லியன் ரூபா செலவில் நிரமாணிக்கப்படவுள்ள மூன்று மாடி நிர்வாக கட்டிட வேலைகளை துரிதப்படுத்துமாறும் அதிகாரிகளுக்கு பணிப்புரை வழங்கினார்.




No comments:

Post a Comment