Tuesday, August 21, 2012

கையெழுத்திடும் நடமாடும் சேவை கல்முனையில் இடம்பெற்றது.


கொழும்பு சுகததாச உள்ளக விளையாட்டு மைதானத்தில் இம்மாதம் 25 முதல் 31 ஆம் திகதி வரை இடம்பெறவுள்ள 8 வது ஆசிய வலைப்பந்தாட்ட சம்பியன்சிப் போட்டியினை முன்னிட்டு அதன் பிரதான அனுசரணையாளர்களான மக்கள் வங்கி ஒழுங்கு செய்திருந்த வலைப்பந்தில் கையெழுத்திடும் நடமாடும் சேவை கல்முனையில் இடம்பெற்றது.
கல்முனை மக்கள் வங்கி முகாமையாளர் எம்.ஸி.எம்.ஹனீபா தலைமையில் இடம்பெற்ற மேற்படி நிகழ்வில் அம்பாறை பிராந்திய மக்கள் வங்கி முகாமையாளர் டபிள்யு. எம்.ஆரியஞான பிரதம அதிதியாக கலந்து கொண்டார்.
பந்தை தாங்கிய ஊர்தி கல்முனை பிரதான வீதி வழியாக வலம் வந்து கல்முனை மக்கள் வங்கி கிளையின் முன்னால் நிறுத்தப்பட்ட போது வாடிக்கையாளர்களும் கல்முனை உவெஸ்லி உயர்தர பாடசாலை வலைப்பந்தாட்ட அணியினரும் அதில் கையொப்பமிட்டதுடன் போட்டி நிகழ்ச்சியொன்றும் அங்கு ஒழுங்கு செய்யப்பட்டு வெற்றி பெற்றவர்களுக்கு பரிசில்களும் வழங்கப்பட்டன.








No comments:

Post a Comment