Tuesday, May 24, 2011

இரு சகோதர்களை பொத்துவில் பொலிஸார் கைது

பொத்துவில் பிரதேசத்தில் சட்டவிரோதமான முறையில் கள்ள நோட்டுகளை அச்சடித்த ஒரே குடும்பத்தைச் சேர்நத  பாடசாலை மாணவர்களான இரு சகோதர்களை பொத்துவில் பொலிஸார் கைது செய்துள்ளனர்.
பொத்துவில் பிரதேசத்திலுள்ள பாதபவத்தையிலுள்ள கடையொன்றில் 1000 ரூபா கள்ள நோட்டு இரண்டைக்  கொடுத்து இரு மாணவர்கள் சிகரட் வாங்கியுள்ளனர். கடையிலிருந்த பெண்ணுக்கு இவர்கள் மீதும்  பணத்தின் மீதும் சந்தேகம்  ஏற்படவே  மீதி பணத்தை சற்று தாமதித்து வந்து வாங்கிக் கொள்ளுங்கள் என்று கூறி பொலிஸாருக்கு  இவ்விடயம் சம்பந்தமாக தகவல் வழங்கியுள்ளார்.
சிறிது நேரத்தின் பின்னர் முச்சக்கர வண்டியொன்றில் இவ்விரு மாணவர்களும் மீதிப்பணத்தை பெறுவதற்காக கடைக்கு வந்த போது இருவரையும் பிடிக்க பெண்மணி  எத்தணித்த போது முச்சக்கர வண்டியில் இருவரும் தப்பிச் சென்று விட்டனர்.
கடைக்கார பெண்   இரு    ஆயிரம் ரூபா கள்ள நோட்டுகளையும் பொத்துவில் பொலிஸ் நிலையத்தில் கொண்டு ஒப்படைத்ததும் இவை கள்ள நோட்டுகள் என பொலிஸார் தெரிவித்தனர்.
பெண் கொடுத்த தகவலின் அடிப்படையில் முச்சக்கர சாரதி கைது செய்யப்பட்டு அவர் மூலமாக இரண்டு பாடசாலை மாணவர்களும் கைது செய்யப்பட்டுள்ளனர்.
கைது செய்யப்பட்ட இரு மாணவர்களும் பொத்துவில் பிரதேசத்திலுள்ள பிரபர பாடசாலையொன்றில் 10 ஆம் தரத்தில் கல்வி பயிலும் 15 வயது நிரம்பியவர்களாகும்.
மாணவர்கள் கைது செய்யப்பட்டதனை  தொடர்நது கள்ள நோட்டு அச்சடிக்கும் இடத்தை பொலிஸார்  முற்றுகையிட்ட போது கணிணி  , பிரிண்டர்  ,  1000 ரூபா கள்ள நோட்டுகள் 6  மற்றும் கள்ள நோட்டு அச்சடிக்கும் காகிதாதிகள் என்பன கைப்பற்றப்பட்டன.
இக்கள்ள நோட்டு தயாரிப்பில் பல்கலைக்கழக பட்டதாரி மாணவனொருவரும் சம்பந்தப்பட்டுள்ளதாக பொலிஸ் விசாரணையில் இருந்து தெரிய வந்துள்ளது.
அம்பாறை மாவட்ட பிரதி  பொலிஸ் மா அதிபர்  ரஞ்ஜித் பாலசூரிய அம்பாறை சிரேஷ்ட பொலிஸ் அத்தியட்சகர்  பிரேமலால் ரணகல ஆகியோரின் பணிப்புரையின் பேரில்  பொத்துவில் பொலிஸ் நிலைய பொறுப்பதிகாரி  வசந்த குமார  மற்றும் குற்றத்தடுப்பு பொலிஸ் பிரிவு பொறுப்பதிகாரி  ஈ.பி.என். சமிந்த ஆகியோரின் தலைமையிலான பொலிஸ் குழுவினர் மேலதிக விசாரணைகளை மேற்கொண்டு வருகின்றனர்


No comments:

Post a Comment