Sunday, January 11, 2015

இலங்கையிலுள்ள தேர்தல் தொகுதிகளுள் கல்முனைத் தொகுதி இரண்டு சாதனைகளைப் படைத்துள்ளது.

( நமது கல்முனை நிருபர்)
கடந்த 8 ஆம் திகதி நடைபெற்று முடிந்த இலங்கையின் 7 வது ஜனாதிபதித் தேர்தல் முடிவுகளின் படி இலங்கையிலுள்ள தேர்தல் தொகுதிகளுள் கல்முனைத் தொகுதி இரண்டு சாதனைகளைப் படைத்துள்ளது.

இலங்கையின் 6 வது ஜனாதிபதி மைத்திரபால சிரிசேன அவர்களுக்கு கல்முனைத் தொகுதியில் அளிக்கப்பட்ட அதி கூடிய வாக்கு வீதம் 89.81%  ஆகும்.
அதே போன்று இலங்கையிலுள்ள தொகுதிகளுள் முன்னாள் ஜனாதிபதி மஹிந்த ராஜபக்ச அவர்களுக்கு கல்முனைத் தொகுதியில் அளிக்கப்பட்ட ஆகக்குறைந்த வாக்கு வீதம் 9.26% வீதமாகும்.

கல்முனை ஸாஹிரா தேசியக்கல்லூரி கிறிக்கட் அணி இம்மாத இறுதியில் மலேசியா பயணமாகவுள்ளது.

( எம்.ஐ.எம்.அஸ்ஹர்)
கல்முனை ஸாஹிரா தேசியக்கல்லூரி கிறிக்கட் அணி இம்மாத இறுதியில் மலேசியா பயணமாகவுள்ளது.
ஸ்ரீலங்கா  கிறிக்கட் , அகில இலங்கை பாடசாலைகள் கிறிக்கட் சம்மேளனம் ஆகியள இணைந்து கடந்த வருடம் ஒழுங்கு செய்திருந்த அகில இலங்கை பாடசாலைகளுக்கிடையிலான கடினபந்து கிறிக்கட் சுற்றுப் போட்டியின் இறுதிப் போட்டி யாழ்ப்பாணம் மத்திய கல்லூரி மைதானத்தில் இடம்பெற்ற போது யாழ் மத்திய கல்லூரியை வெற்றி கொண்டு தேசிய ரீதியில் கல்முனை ஸாஹிரா தேசியக் கல்லூரி சம்பியன்களாக தெரிவு செய்யப்பட்டிருந்தது.
கிழக்கு மாகாணசபை உறுப்பினரும் , இக்கல்லூரியின் பழைய மாணலருமான ஏ.எம்.ஜெமீல் மேற்கொண்டுள்ள நடவடிக்கை காரணமாக இக் கல்லூரியின் கிறிக்கட் அணி கிறிக்கட் பயிற்றுவிப்பாளர் அலியார் பைஸர் தலைமையில் இம்மாத இறுதியில் மலேசியா சென்று அங்குள்ள பாடசாலை அணிகள் மற்றும் கழகங்களுடன் பல போட்டிகளில் பங்கேற்கவுள்ளதாக கல்லூரியின் வினையாட்டுக்குழு செயலாளர் ஏ.எம்.அன்சார் தெரிவித்தார்.
கடந்த வருடம் இக்கல்லூரியின் பெட்மின்டன் மாணவர் அணி மலேசியா சென்று பல போட்டிகளில் கலந்து கொண்டு தமது திறமைகளை வெளிப்படுத்தியிருந்தனர்.
இதே வேளை கல்லூரியில் அண்மையில் இடம்பெற்ற கிறிக்கட் வீரர்களை பாராட்டும் நிகழ்வில் பிரதம அதிதியாக கலந்து கொண்ட முன்னாள் வர்த்தக வாணிபத்துறை அமைச்சர் ஏ.ஆர்.மன்சூர் இக்கல்லூரி கிறிக்கட் அணியினை பாகிஸ்தானிலுள்ள பாடசாலை அணிகளுடன் பங்கேற்பதற்கான ஏற்பாடுகளை செய்து தருவதாக உறுதியளித்துள்ளார்

கல்முனை ஸாஹிரா தேசியக்கல்லூரியிலிருந்து 150 மாணவர்கள் பல்கலைக்கழகம் செல்வதற்கு தகுதி பெற்றுள்ளனர்.



( எம்.ஏ.அஹ்ஸன் அக்தர்)
அண்மையில் வெளியிடப்பட்ட .பொ.. உயர்தர பரீட்சை முடிவுகளின் படி கல்முனை ஸாஹிரா தேசியக்கல்லூரியிலிருந்து 150 மாணவர்கள் பல்கலைக்கழகம் செல்வதற்கு தகுதி பெற்றுள்ளனர்.
பொறியியல் துறைக்கு .எச்.எம்.அஜ்மல் பாயிக் , எச்..சதீர் , எம்.ஜே.எம்.நிஸ்பர் ,எம்.எச்.எம்.றிஜாஸ் , .எச்.எம்.இஸ்பர்,எம்.என்..நாஸிப்,எம்.என்.எம்.நளீர் ஆகிய 7 மாணவர்கள் பொறியில் துறைக்கும் எம்..எச்.ஆகில் ஜாவித் மருத்துவத் துறைக்கும் , கணிதத்துறைக்கு  30 மாணவர்களும் , பல் வைத்தியம் , மிருக வைத்தியம் , உயிரியல் , விவசாயம் , தொழில்நுட்பம் ,கட்டடிட நிர்மாணம் , நில அளவை உள்ளிட்ட துறைகளுக்கு 42 மாணவர்களும் , வர்த்தக முகாமைத்துவ துறைக்கு 4 மாணவர்களும் , வர்த்தகத்துறை மற்றும் கலைத்துறைகளுக்கு  66 மாணவர்களும்  பல்கலைக்கழக அனுமதிக்காக விண்ணப்பிக்கத் தகுதி பெற்றுள்ளதாக கல்லூரி அதிபர் பீ.எம்.எம்.பதுறுதீன் தெரிவித்தார்
அத்துடன் அரசாங்கம் அறிமுப்படுத்தியுள்ள தொழில் நுட்பத்துறையில் இவ்வருடம் ஆகஸ்ட் மாதம் நடைபெறவுள்ள .பொ.. உயர்தரப்பரீட்சைக்கு நூற்றுக்கும் அதிகமான தமிழ் முஸ்லிம் மாணவர்கள் இக்கல்லூரியிலிருந்து தோற்றவுள்ளதாக பகுதித்த தலைவர் .ஆதம்பாவா தெரிவித்தார்.

இதே வேனையில் கல்முனை ஸாஹிரா தேசியக் கல்லூரியில் கல்வி கற்று மூன்றாம் தடவை .பொ.. உயர்தரப் பரீட்சைக்கு தோற்றிய பல மாணவர்கள் பொறியியல் , மருத்துவம் , கணிதம் , உயிரியல் , வர்த்தகம் மற்றும் கலைத்துறைகளுக்கு தெரிவு செய்யப்பட்டுள்ளதாக மாணவர்கள் அறிவித்துள்ளதாக கல்லூரியின் உதவி அதிபர் யு.எல்.எஸ்.ஹமீட் மௌலவி தெரிவித்தார்.

சிரேஸ்ட ஊடகவியலாளர் மீரா எஸ் இஸ்ஸதீன் திடீர் சுகவீனமுற்று வைத்தியசாலையில் அனுமதிக்கப்பட்டுள்ளார்.

( எம்.ஐ.எம்.அஸ்ஹர்)
அம்பாறை மாவட்ட சிரேஸ்ட ஊடகவியலாளரும் , அம்பாறை மாவட்ட ஊடகவியலாளர் சம்மேளனத்தின் தலைவருமான மீரா எஸ் இஸ்ஸதீன் திடீர் சுகவீனமுற்ற நிலையில் அக்கரைப்பற்று ஆதார வைத்தியசாலையில் அனுமதிக்கப்பட்டு பின்னர் மட்டக்களப்பு போதனா வைத்தியசாலையில் அனுமதிக்கப்பட்டு தற்போது
மேலதிக சிகிச்சைக்காக கொழும்பு பொது வைத்தியசாலைக்கு எடுத்துச் செல்லப்படுவதாக தகவல் கிடைத்துள்ளது.
இவர் ஊடகத்துறைக்கு பல சேவைகள் செய்துள்ளதுடன் அம்பாறை மாவட்டத்தைச் சேர்ந்த பல ஊடகவியலாளர்களின் உயர்வுக்கும் பல தியாகங்களை புரிந்துள்ளார்.
இவர் சிறந்த உடல் ஆரோக்கியத்தைப் பெறவும் தனது சுகவீனத்திலிருந்து மீட்சி பெறவும் அனைவரும் எல்லாம் வல்ல இறைவனை பிரார்த்திக்குமாறும்  கேட்டுக்கொள்ளப்படுகின்றீர்கள்.

Saturday, December 27, 2014

சீரற்ற காலநிலை காரணமாக ஒலுவில்பிரதேசத்தில் பாரிய கடலரிப்பு அபாயம்



( நமது நிருபர்)  

அம்பாறை மாவட்டத்தில் தொடர்ந்து பெய்து வரும் மழை, வெள்ளம்,கடல் கொந்தளிப்பு  மற்றும்   சீரற்ற காலநிலை காரணமாக ஒலுவில்பிரதேசத்தில் பாரிய கடலரிப்பு அபாயம் தோன்றியுள்ளது.
ஒலுவில் வெளிச்ச வீட்டை அண்டிய பிரதேசத்தில் ஏற்பட்டுள்ளபாரிய கடலரிப்பு காரணமாக  தென்னந் தோட்டங்கள், மீனவர்வாடிகள் மற்றும் கட்டடங்கள் என்பன கடல் அலையினால் அடித்து செல்லப்பட்டுள்ளன. வெளிச்ச வீட்டுக்குச் செல்லும் பாதையும்முற்றாக சேதமுற்றுள்ளது.
கடலரிப்பினால் இப்பகுதி மீனவர்கள் கடலுக்குச் செல்ல முடியாத நிலை ஏற்பட்டுள்ளதோடு மீனவர்களின் பொருளாதாரம் மிக மோசமாகப் பாதிக்கப்பட்டுள்ளது. நூற்றுக் கணக்கான தென்னந் தோட்டங்கள் பாதிக்கப்பட்டுள்ளன.
இப்பிரதேசத்தில் ஒவ்வொரு வருடமும் பல தடவைகள் மிக மோசமான கடலரிப்பு ஏற்படுவதோடுஇக்கடலரிப்பைத் தடுக்க இதுவரை காத்திரமான நடவடிக்கைகள் எடுக்கப்படவில்லையென  பிரதேச பொதுமக்கள் தெரிவிக்கின்றனர்.




அறிவிப்பாளரும் கவிஞருமான எஸ்.ஜனூஸ் எழுதிய ” குரலாகி ” கவிதை ஒலி - ஒளி இறுவட்டு அறிமுக விழா



( நமது நிருபர்கள்)
மருதம் கலைக்கூடல் மன்ற ஏற்பாட்டில் இலங்கை ஒலிபரப்பு கூட்டுத்தாபன அறிவிப்பாளரும் கவிஞருமான எஸ்.ஜனூஸ் எழுதியகுரலாகிகவிதை ஒலி - ஒளி இறுவட்டு அறிமுக விழா கடந்த வெள்ளிக்கிழமை கலைக்கூடல் மன்ற தலைவர் அஸ்வான் சக்காப் மௌலானா தலைமையில் சாய்ந்தமருது பரடைஸ் வரவேற்பு மண்டபத்தில் இடம்பெற்றது.

இந்நிகழ்வில் ஓய்வுபெற்ற கல்விப் பணிப்பாளர் மணிப்புலவர் மருதூர் மஜீட் பிரதம அதிதியாகவும் , கிழக்கு மாகாண சபை உறுப்பினர் சட்டத்தரணி ஆரிப் சம்சுதீன் , சிரேஸ்ட வானொலி தொலைக்காட்சி அறிவிப்பாளரும் அதிபருமான .ஆர்.எம்.ஜிப்ரி ஆகியோர் கௌரவ அதிதிகளாகவும் கலந்து கொண்டனர்.
இறுவட்டின் முதல் பிரதியினை பிரபல தொழிலதிபர் எம்.எச்.நாஸர் பெற்றுக் கொண்டார்.
நிகழ்வினை இலங்கை ஒலிபரப்பு கூட்டுத்தாப பிறை எப்.எம்.அறிவிப்பாளர் .எல்.நயீம் தொகுத்து வழங்கினார்.